Orin Dafidi 126 - Yoruba YBCV

¹ NIGBATI Oluwa mu ikólọ Sioni pada, awa dabi ẹniti nla alá.

² Nigbana li ẹnu wa kún fun ẹrin, ati ahọn wa kọ orin: nigbana ni nwọn wi ninu awọn keferi pe, Oluwa ṣe ohun nla fun wọn.

³ Oluwa ṣe ohun nla fun wa: nitorina awa nyọ̀.

⁴ Oluwa mu ikólọ wa pada, bi iṣan-omi ni gusu.

⁵ Awọn ti nfi omije fún irugbin yio fi ayọ ka.

⁶ Ẹniti nfi ẹkun rìn lọ, ti o si gbé irugbin lọwọ, lõtọ, yio fi ayọ̀ pada wá, yio si rù iti rẹ̀.